Guggemuusig Ohregribler


Fondue-Plausch vom 6. Januar 2017

 

Gschicht vo de Ohregribler

Stammkostüm der Guggemuusig Ohregribler

Vor 40ig Joor hett e Hampfle Waagefasnächtler vo dr' Chropf Clique Rieche nääbe-n-em ummefahre d' Fasnacht no anders fyyre welle. Im Cliquemagazin sin diveersi Instrumänt umme g'schtande. Gly hett me g'meint, worum nit als Gugge schränze?

Ohni Namme und mit nur 12 Fasnächtler hett's Aabentyyr -Guggefasnacht - also Zyschtig 1974 uff em Claraplatz a'gfange. Die muusikalisch Zämmesetzig isch ebbe gnau so b'scheide gsi wie's Repertoire und wo zue vorgruggter Nachtschtund die erschte Gehversiech gligglig beändet worde sin, hän alli gwisst, mir wärde e richtigi Gugge.

Im Juni noo däre Fasnacht sin denn d' Ohregribler grindet worde und bereits noo drei Johr sin mer's erscht Mool im Harlekin gloffe. Unzähligi Ufftritt, wie am FG-Oobe, im Drummeli, Charivari und Mimösli zelle glyych zue de Hehepinggt, wie's Duurefiere vo unserem eigene Galaoobe im Rhypark und speeter im grosse Feschtsaal vo dr' Mäss. Mittlerwyyle simmer im Kongräss Center Basel, im San Franzisco Saal, wo jewyyle iber dausig Lyt gspannt unsere Obe dien verfolge. Au e' Meilestei in unserer Vereinsgschicht isch dr' Bau vom Guggekäller, wo mir im 1993, in dr Clarastrooss 46 hänn kenne uffmache.

Hitte zeller mer ebbe 75 Aggdivi und sin natyrlig e Männegugge bliibe. Noo 42 Johr kenne mr uff e scheeni Zyt zruggluege und sin au e' weeneli Schtolz druff, was mr erreicht hänn.


 

Wenn de jetzt gluschtig worde bisch, uff unser muusikalischs Kenne, den loos und lueg emool uf unserem Youtube Kanal yne!


 
 
Signet der Guggemuusig Ohregribler

Zer Versteergig sueche mir noone paar uffgstellti Männer ab 18, wo e Instrumänt spiile kenne und nadyrlig au gärn wurde als neyi Aggdivi vyyl Fraid, Witz, Mitarbet und Gselligkait erlääbe.

Sottisch bereits e Instrumänt spiile, denn mäld dy byn ys!

Delifonier oder mail am beschte grad unserem Obmaa, dä duet dr gärn meh verzelle. Mit ihm kasch au grad ebbis abmache zem emol yyneluege und doderby uns und unsere Käller neecher kenne z'leere. Wenn de jetzt gluschtig worde bisch, uff unser muusikalischs Kenne, den loos und lueg emool uf unserem Youtube Kanal yne!

079 408 16 60   /  Christoph Unger